好黑好黑好鬼黑!!!!

八月尾九月頭一年一度放大假回港後, 黑事件一件接一件, 個天好似係度考驗緊我既個人承受能力可以去到幾高o甘....

健康篇: 

眼結膜發炎

同bon一齊果十多年, 一向每年bon換毛季節我都有一次半次眼/鼻敏感; 但今年: 尤其9月後, 我一個月可以眼結膜發炎發幾次!!!! 我知我對狗毛有dd敏感, 係dd姐, 一年一兩次姐; 咩事家下一個月幾次呀!! 我就黎盲嫁啦!

脊骨問題:

十多年前玩snowboard之舊患 + 數年前打bowling 之新傷 ===> 其實呢兩年睇左一個吾錯脊醫之後, 我已經可以打番bowling甚至滑雪. 呢1年keep住一個月番去脊醫度覆診body check 都已經好得九九十十, 再無特別問題; 但....又係9月開始, 瞓醒郁一郁都可以整親頸!!!

係仲要頸骨移左少少位touch到神經線, 令我一邊肩頸硬哂, 另一邊就頭暈頭痛!!! 仲仲仲可以兩星期前硬左邊, 睇好左; 兩星期後硬右邊!!!!! 

電子產品篇: 

手提電話

識我既朋友都知道我一向吾鍾意追新款電話, 有得用就算! 更甚既係我番左香港呢十幾年之來, 頭十年都係用我老豆吾用既二手電話(佢鍾意追款同埋吾識用就話個電話壞左吾要!) 只係近呢幾年佢吾再追款(d款出得太快追吾切卦!),我手上既二手電話亦捱吾到幾年我先叫做真金白銀去買我人生第一次既手機!

可能一向無留意開(成10年wor...), 亦可能根本無興趣, 至怕去買電話!!! 太多款啦又太多function啦, 好煩!!! 一向有人俾埋我用教埋我用嫁!!! 所以買左我人生第一部手機後, 無乜野就吾好再煩我! 任何新出既funtion亦吾會吸引到我, 亦吾好叫我跟潮流追咩機, 我只覺好煩!

但, 吾知係宜家d手機特登整到無以前o甘耐用定乜;  人生第一部手機後...係兩年內, 好快壞左要買第二, 第三部...到今年年中第四部啦! 自覺所有function+款式最合心意....

但, 正處於我黑仔時段...用左吾夠兩個月, 部電話自己漏藍色墨... 再加上一次意外, 濕左水, 就死啦!

其他 電子產品:

一不離二....正當我拎我最愛既手機去整時 (吾死心地), 發現我有部舊機整一整原來仲用到吓! 點知, 用吾夠兩日, 又死左...

好啦! 放棄啦! 用左部黑白機先....

二不離三...屋企部腦好日吾用, 一用, 怪怪地...死下死下...之後直頭開吾番! 一check之下: 唉...電腦人話我部機濕過水, hard disk + DVD巳死, 救一救: 多謝$500!

三不離四...心血來潮, 想做乖女洗下厠所, 想話關左個水制...點知, 成個水制飛左出黎!!!! D咸水狂射呀! 第一個到事發現場我波子(我媽隻愛犬), 佢黎玩水law!!! 激死!!!

四不離五...已全屋無咸水嫁啦(要關大制ma), 第二朝澡涼時連個煤氣爐都玩我呀! 無熱水呀!!! 仲要突然凍左果日law! 

五不離六...到公司啦:公司部腦又突然鍾意自己關視窗...一check之下: 又要換機!

今日:  換左機後發現無左個disk drive我做吾到某d工作, 去阿以部機想話做少少野姐....咩事個Mon. 吾著嫁!? 又咩事個總制著左又關吾到既!?  HELP!! 我掂一吓之嘛....

夠啦真係夠啦! 反正都立冬, 我係咪應該冬眠一下呢!?